ANG AKWARYUM NI BALAGTAS

Nakapasok ka na ba ng gay bar? Nag-te- take home ka ba ng macho dancer? Nanonood ka ba palagi ng mga Pinoy gay films about macho dancers? Nagsasayaw ka ba sa dilim tulad ko? Joke! Ang pelikulang Boy ay tungkol kasi sa isang maluwalhating gabi ng isang macho dancer at ng isang binatang apo ni Kaka Balagtas na tila naghahanap ng kasagutan tungkol sa mga tanong sa sarili niya. Kung Oo ang sagot mga sa mga tanong ko, jackpot ka bro kasi makaka-relate ka sa movie na ito! Nang nalaman ko na banned pala sa Singapore ang film ni Auraeous Solito na ito ay naintriga agad ako. Ang sabi grabeee daw ang sex scene dito at talagang pabor daw sa homosexuality ang movie na ito! Hmmmm.. papasa rin kaya ito sa MTRCB? Well, based sa napanood ko naging open-minded naman ang mga tagakatay ng mga pelikula. Buo at maraming pasabog ang Boy. Hala! Halika't makitula at makisayaw sa dalawang Adan na nagniniig kasabay ng paglangoy ng mga isda sa akwaryum.

BUOD NG PELIKULA: Isang Pasko, binisita ni Boy ang isang gay bar. Gusto lang daw niyang makakita ng mga macho dancers na gumigiling sa stage. Nag-eenjoy si Boy sa kanyang mga nakikita pero nang lumabas si Aries ang Star of the Night ( sa payat niyang yun? ), eh parang langit ang naramdaman ni Boy. Love at first sight agad si Boy kay Aries. Gusto niyang i-take home agad si Aries kaso kulang ang dating ni Boy. Gagawin niya lahat maangkin lang si Aries na 18 years old din tulad niya at may alagang sawa daw na 7 � inches (sabi ng floor manager). Ibinenta niya ang collection niya ng mga comic books atbp para lang sa isang gabi ni Aries. Bisperas ng Bagong Taon, binalikan niya ang gay bar! Perfect timing kararating lang ni Aries, money down agad sabay uwi sa bahay! Sa gitna ng ingay ng mga torotot , mga nakakabinging putukan ng sinturon ni Hudas at ang mapaglarong watusi, maririnig din kaya ang...... boom!!!! nina Boy at Aries?



Napakasimple at napaka-ikli lang ng kwento ng Boy. Pero malalim at may pagka-sweet naman. Walang kontrabida, walang gulo at peaceful ang takbo ng story. Yun nga lang same setting pa rin tulad ng kay Maximo, makikita na naman ang nakakalungot na buhay iskwater. At dahil one night stand with fee nga ang nangyari di natin alam kung may happy ending ba ang ating mga bida. Pero nasa audience na kung ano ang gusto nilang mangyari. Kakaiba ito sa mga napanood ko na mga indie gay films. Yeah, nandoon nga ang kontrobersyal na sex scene ng dalawang lalake pero hanep naman ang execution!!! One of the best sex scenes I've ever seen! Erotic at full of art! Nandoon ang tinatawag na innocent sex. Bilib ako sa pagkakuha ni Solito sa eksenang yun. Ang gandang panoorin nila na nag-se-sex tapos may harang na aquarium. Mapaglaro ang mga isda sa akwaryum habang ginagawa nila ang sagradong bagay na yun! Sagrado daw oh? Basta hindi exploitative ang dating ng eksenang yun na pinagkaguluhan sa Singapore. Kaso may part pala na shaky ang camera ni Solito at nahilo ako doon talaga. Hindi ko rin nagustuhan yung part na nagmamadali si Boy sa pagsuot ng brief niya tapos nagtatakip pa ng kumot. Hello? Siya lang kaya mag-isa sa room? Kailangan pa ba nang full cover ng blanket sa pagbibihis?



Nakakatuwa ang mga tula ni Boy. Basta natatawa ako. Yung sweetness ni Boy at ni Aries eh nakakakilig din kahit papaano kahit panandalian lang. Magaan ang feeling kumbaga pag nakikita mong may nangyayaring ganun sa totoong buhay. Actually, totoo talaga ang ganun. Hindi imposible ang nangyayari dito sa Boy. Kapansin pansin rin ang pinag-aralang production design ng movie. Halata lalo na doon sa room ni Boy. Kung ganun lang room ko naku siguro sobrang relaxed ko everyday. I love the aquariums at saka yung color ng room. Bakit nga ba walang lock ang room ni Boy? Doon lang ako nagtataka kasi walang privacy. Ayun may nakakita tuloy sa kanila after mag-sex sila. Hands down pala sa music ni Isha na may pagka-Gustavo. Kung pamilyar ka sa music ng Brokeback Mountain, nakuha ni Isha ang iyak ng gitara. Masarap sa tenga.Napa-ibig ako. Ang ganda pa ng themesong ni Boy. Nakakaiyak ang lyrics bagay sa love story nina Boy at Aries.



Hindi ko kilala ang mga bidang artista rito. Yung gumanap na Boy na hanggang ngayon di ko pa rin ma-pronounce ang name niya eh OK lang naman siya. Since cute naman siya at may hawig konti kay Yayo Aguila at Matt aka Pedro Penduko, eh baka pwede siyang mag-showbiz. Ang sabi real poet daw talaga siya . Cool! Walang heavy drama scenes na nangyari dito na pwedeng ikapanalo niya ng award. Actually parang nag-memorized lang siya ng script. Tolerable lang naman ang acting niya kaso wala lang impact. Yung si Aries na tunay na macho dancer pala sa totoong buhay, eh magaling talaga sa kama! Ha ha ha! Actually, ang acting niya natural din. Yun nga lang wala ring kinang. Maganda ang chemistry nilang dalawa. Sweet nga sila eh. Basta two thumbs up doon sa aquarium scene. Siguro si Boy nahirapan na gawin yun at tingin ko naman kay Aries eh expert na sa mga ganun. Ha ha ha! Actually, familiar sa akin si Aries. Di ko lang matandaan saang palengke siya naging kargador. Joke! Peace Alex! Hands down sa giling mo at may ibubuga ka rin pala tulad ni Coco Martin. Kaya mo rin pala ang kaya ni Coco!



Kung nag-enjoy ka sa pelikula ni Solito na Ang Pagdadalaga ni Maximo Oliveros, eh malamang magugustuhan mo rin ang Boy. Kakaiba si Boy kay Maximo. Medyo aggressive si Boy at walang takot na tuklasin kung anong dapat tuklasin sa buhay. Aprubado ang Boy sa mga gays na nagtatago pa rin sa aquarium este sa closet pala. Pelikula nila ito. Kumusta naman sa loob ng Galleria? As expected dinumog ng mga Adan na uhaw sa kapwa Adan. Di ko na lang i-kkwento ang iba pang detalye sa loob ng sinehan. Sa ngayon, makinig ka muna sa mga tula ni Boy at maki-aliw sa gumigiling katawan ni Aries sa dilim.

ISANG OBRA SA DILIM

kin Image by Cool Text: Logo and Button Generator - Create Your Own


Last May kung saan ginanap ang Cannes Film Festival sa France, eh nagkaroon ng tension kasi sabi ni Lolo Roger Ebert ang pangeet daw ng Kinatay! Ito daw ang pinakawalang kwentang pelikula ever na naipalabas sa Cannes. Tapos sa awarding ceremony biglang nanalo si Brillante Mendoza as Best Director. Bongga di ba? Bilang Pinoy proud ako sa pagkapanalo ni Mendoza kasi fan ako sa mga gawa niya. Iba kasi talaga ang istilo niya. Di ko alam bakit sobrang tagal naman ng pagpapalabas nito sa atin eh medyo nawala na tuloy ang Kinatay Fever . Ang arte kasi ng MTRCB binigyan nila ng Rated X ito noong una! Hello??? Honest lang naman ang film sa pagpapakita kung ano ang tunay na nangyayari sa ating bansa. Eh mas masahol pa nga ang mga dating massacre flicks ni Caparas eh na may mga mahahabang titulo. I'm so glad na hindi naisip ni Mendoza na bigyan ng title ang movie na ito na tulad kay Caparas. What if ang title nito ay: THE VAN MASSACRE: THE UNTOLD STORY OF THE RAPED CHOP CHOP PROSTI. (ORA PRONOBIS) I BELIEVE IN GOD THE FATHER ALMIGHTY CREATOR OF HEAVEN & EARTH. I'm sure kakatayin nila ang title na yan!
BUOD NG PELIKULA: Ito ay tungkol sa isang batang criminology student na si Peping may kalive-in at may baby na. One day ikinasal sila sa huwes at napakasaya nila ng umagang yun kasama ng mga kaibigan at mga kamag-anak. Isang gabi pagkatapos makakuha ng mga delihensiya sa Luneta, naisipan siyang yayayain ng isang kakilala para sa isang gabing raket. Hindi niya alam na madugong raket pala ang kanyang nasamahan. Sa loob ng van kung saan kinidnap nila ang isang prostitute, maguguluhan si Peping kung saan siya lulugar sa isang karumal-dumal na sitwasyon na kanyang kinakaharap. Tatakbo ba siya o maghuhubad na lang at magtatanong ng: Pare, serbis???




Di ko masisisi si Lolo Roger kung bakit niya inokray ito! Ang alam ko kay Lolo eh mahilig siyang mag-review ng mga feel good movies. Unfortunately, Kinatay is not a feel-good movie at all. Walang story, walang drama development, walang suspense at walang katapusang kadiliman. Kung kaya mong manood ng ganyang style eh malamang magugustuhan mo ang Kinatay. Oo masyadong brutal ang ilang eksena dito kaya nga Kinatay. Katulad din ng Serbis lahat ng mga eksena dito ay may mga nakatagong kahulugan. Corrupt na talaga ang ating lipunan yan ang nababasa ko sa pelikulang ito. Pinapakita kung ano ang totoo. Nakatutuwa lang kasi sa simula ng movie eh masaya ang feeling at alive na alive ang mga eksena tapos pagkagat ng gabi eh walang katapusang lagim na pala. Basta lalabas ka ng sinehan na mabigat ang dibdib at medyo magugulo ang isip mo.



Kung malabo ang mata mo, advise ko wag ka nang manood nito. Merong napakahabang van scene dito na bumibiyahe sa kahabaan ng EDSA patungong North Expressway. As in napakahabang van scene na napakadilim at halos mga anino lang ang iyong maaaninag. Pero ang galing ni Mendoza sa pagkuha sa mga eksenang yun lalo na yung mga facial expressions ni Peping sa dilim na halatang kinakabahan siya at worried. Habang pinapanood ko ito ay para rin akong sinasaniban ng katauhan ni Peping . Pero warning ko lang sa mga babae kasi makatotohanan masyado ang pag-rape ng biktima dito at yung pagkatay ay nakakapanghina talaga. Baka ma-offend lang sila. Katulad din ng Serbis halos ingay lang ang maririnig mo dito tulad ng mga ingay ng mga sasakyan at ingay ng mga tao rin. May musical score na naisingit during the killing scene at talagang nakakapangilabot naman. Napansin ko lang na medyo may mali eh doon sa jeepney scene sa simula kung saan pinapakita nila na dinaanan nila yung isang suicidal man na gustong tumalon sa billboard along Boni-EDSA. Di ko alam paano napadpad ang jeep nila doon eh ang pagkakaalam ko papunta sila ng Mandaluyong City Hall eh hindi naman doon ang daanan.Walang jeep ng Mandaluyong na dumadaan ng EDSA. 10 Years na akong nag-wo-work sa siyudad na yan at alam ko ang mga daan.Kung wala kang idea about Mandaluyong eh hindi mo naman mapapansin ito. Tapos doon sa EDSA biyahe nila papuntang North expressway ang alam ko nasa MRT North Avenue na sila based sa signboard afterwards sabi ng isang character ang traffic talaga dito sa Cubao! Paano nangyaring nakabalik sila ng Cubao eh papunta na nga silang North Toll Gate!? Kung wala kang idea tungkol sa EDSA eh hindi mo rin naman mapapansin ito. By the way, may English subtitle pala ito kaya pwede rin manood ang mga foreigners. TAKE NOTE: APPROVED WITHOUT CUTS pala ito ng MTRCB! Hmmm... nagbago isip nila?



As usual ang peborit actor ni Mendoza at ang nag-iisang Indie King na si Coco Martin ay talagang namang the best pa rin!!!! Pelikula niya ito at kahit may mga supporting actors eh sa kanya pa rin matutuoon ang mga mata natin. Dalang-dala niya lahat ng facial expressions ni Peping. The best talaga si Coco! Kinilabutan ako doon sa last scene niya kung saan naguguluhan siya kung babalik ba siya doon sa taxing nagka-flat tire o sasakay na lang siya ng bus. At isa rin pala siya sa mga producers nito. May isang eksena pala dito kung saan umiihi sila sa isang talahiban ay bigla akong kinabahan kasi baka ipapakita na naman ni Coco ang alaga niya. Willing kasi si Coco na magbuyangyang tulad ng ginawa niya sa Serbis. Ha ha ha! Nagpakita ba siya ng kanyang ehem dito? Secret!



Itong Kinatay ay ginawa siguro para lang makakuha ng awards. Kasi award-winning naman talaga ito! Maganda ang pelikula ni Brillante Mendoza kaso hindi ko talaga siya highly recommended para sa lahat lalo na yung mga mahihilig sa mga commercial movies. Hindi ko pwedeng sabihin na: Naku panoorin mo na siya! Ngayon na! Sulit bayad mo!!! The Best Ito!!! Masisiyahan ka!!!! Kasi kapag sinabi ko yan eh baka kakatayin nyo ako! Merong target audience ang Kinatay at hindi kasama doon si Lolo Roger. Kung sa tingin mo kadugo mo si Lolo Roger, naku wag ka nang magsayang dito. Pero kung curious ka bakit nanalo si Mendoza eh kailangang mapanood mo ito! Basta isipin mo na lang na magkaiba ang Best Director at Best Picture. Remember si Mendoza lang ang nanalo at talagang deserving siya sa award na ito! Sa lahat ng mga indie film lovers ng bansa, kakatayin ko kayo pag pinalampas nyo ito!

MALAYANG PAGLALAKBAY

Image by Cool Text: Logo and Button Generator - Create Your Own Pag nanonood ako ng indie film sa Indiesine ng Galleria, it's either R-13 or R-18 pero karamihan na talaga eh mga R-18 na at talagang napupuno ang small theater na yun. Pag sex-related kasi ang isang indie film eh kinakagat agad ng mga curious lang o kaya yung mga nag-c-cruise lang naman na mga alam mo na. Mangatyanan is rated PG-13 so pwede pala sa lahat! After watching the film na tungkol sa isang ritual na naglalaho na at di na masyadong pinapansin ng ating mga katutubo sa Isabela, eh parang ganun din ang nangyari sa isang movie tungkol sa Mangatyanan. Ito ay isang napakagandang pelikula pero hindi naman pinapansin ng mga tao at katulad ng katutubong ritual na ito na kahit nakagawian na ng mga ninuno at ito'y iginagalang pa eh unti-unti na namang naaanod sa alon ng dagat patungo sa kawalan. BUOD NG PELIKULA: Kwento ito ni Laya na isang photographer. May sarili siyang mundo at walang pakialam sa kanyang tatay na kahit agaw-buhay pa sa ospital. Pinipilit siya ng kanyang ina kahit man lang sa mga huling sandali eh magkaayos sila ng tatay niya ngunit buo pa rin ang desisyon ni Laya na wag dalawin ang ama. Bakit nga nagkakaganito si Laya? Lahat ng mga tinatago ni Laya ay mailalabas nang maipadala siya sa Isabela kasama ng isang pang photographer upang mag-document ng isang katutubong ritual na ang tawag ay Mangatyanan (Madugong Paglalakbay). Ano nga ba ang meron sa Mangatyanan? May nangangagat ba sa tiyan at si Laya ay napalaya sa rehas ng kamunduhan? Honestly, ito ay isang pelikula na ginawa para sa mga mahihilig lang sa Indie films at ito yung klase ng pelikula na pwedeng ipadala pag may Film Festival sa ibang bansa. Ito ay hindi para sa mga mahihilig sa mga Blockbusters na gawa ng Star Cinema. Kung mahihilig ka sa mga pa-tweetums at mga pelikulang may pamagat ng galing sa isang love song naku 5 minutes pa lang eh mag-wa-walkout ka na dito. Kung adventurous kang manood ng mga pelikulang matino at pinag-aralan ang lahat ng mga eksena kahit hindi kalakihan ang production budget dito mo makikita sa Mangatyanan ang lahat. Sa script pa lang na napakaganda ng pagkagawa eh mapapabilib ka talaga. Una, ang script ay isang puzzle mapipilitan kang mag-isip at maaring predictable kung susundan mo ang mga clues. Pangalawa, lahat ng mga tanong ay mabibigyan ng kasagutan at walang naiwan na kahit isang tanong sa isip mo kung ika'y masusing nagmamasid at nakikinig. Huli, may kirot sa puso ang issue na pinaikot sa story. This is a family drama at ang issue ng pang-aabuso sa mga anak ay hindi dapat na itago sa banga. Napakatapang ng pelikulang ito pero don't worry artistic ang pagpapakita ng abuse. Ang sabi pangalawa daw ito sa The Camera Trilogy ni Direk Jerrold Tarog. Sayang di ko napanood ang una niya na Confessional. Napagaling naman ni Jerrold sa pagkuha ng mga eksena. Nagustuhan ko yung mga dream sequences at yung mga hallucination scenes. Kinilabutan talaga ako sa mga kuha ng camera ni Jerrold. Ganda! Pero lalong napaganda dahil sa music niya na siya rin pala nag-composed. Lahat ng scores na pinatong sa mga eksena ay tugmang-tugma kung ano ang emosyon na pinapakita. Ang galing! Talented man siya! Siyempre ang cinematography nila na talaga namang nakakatunaw panoorin. Hands down sa lahat ng technical details ng Mangatyanan. Ang mga artista dito ay talagang hindi mga gaanong kilala kaya mapapatanong ka tuloy ng: teka parang nakita ko na siya somewhere? Parang siya yung sa commercial ng??? Except Irma Adlawan na suki na ng mga indie films at kahit sa mga teleserye ng mga higanteng TV Networks. As usual hindi pa rin disappointing si Adlawan. Si Che Ramos na gumanap bilang Laya ay nakakabilib! Pinaghandaan niya ito for sure! Big and small moments niya rito ay talagang litaw ang pagiging Best Actress ni Che. Yung cute guy na si Neil Ryan Sese ay interesting ang dating. Hindi gaano heavy ang role niya pero he looks good sa screen. Cute siya. Si Publio Briones naman bilang chief ng tribe ay mahusay din kahit di ako familiar sa kanya. Akala ko nga katutubo talaga siya. Na-weirdohan lang ako sa actress na gumanap bilang boss ni Laya. OA ba siya o natural na acting yun? May tanong dito sa pelikula: Naniniwala ka ba sa Diyos? Ang sagot ni Laya: Naniniwala ako sa Diyos. Tao lang ang demonyo. Totoo di ba? Laking tuwa ko na napanood ko ito. Mas naging excited na ako na panoorin ang last film ni Jerrol sa kanyang trilogy at sana may mahanap akong kopya ng Confessional. Mangatyanan is a beautiful masterpiece. Kaso nga lang people are really lost in space. Napakaluwag ng space ng Galleria Cinema that aftenoon! Pwede talagang maghubalan. Take note: Apat lang kami doon na nanood at yung isa alanganin pa kasi ang pagkakaalam ko sinusundan lang naman ako ng nilalang na yun nang makita niya ako sa lobby na nakasuot ng body fit t-shirt at jeans. Parang feeling ko kasi aabusuhin din niya ako tulad ng ginawa kay Laya sa pelikula. Pero mabuti na lang nakapag-concentrate ako sa Mangatyanan at malaya akong nakapanood na walang ritwal na naganap! LOL! May tanong din ako: Naniniwala ka ba na magaganda ang mga Indie Films? Ang sagot ko: Naniniwala ako na may mga matino pang gumagawa at hindi kailangan ang mga kahubaran para maibenta! Kaso gusto ng mga tao pa-tweetums ng mga Star Cinema at iba pa! Haay... kailan pa kaya tayo makakalaya?